Англија Менаџерот на Њукасл, Крис Хатон негира дека Њукасл ќе се засили со Хатем Бен Арфа.

Медиумите излегоа со шпекулации дека Бен Арфа е пред трансфер во Њукасл, но Хатон вели дека немале никаков контакт со Марсеј.
"Нема ништо околу тоа, убаво е тоа што не поврзуваат со него, но тој е фудбалер на Марсеј, и немало никаков контакт за негов трансфер" - вели Хатон.

"Цело време велиме дека треба да го засилиме составот, но тоа е тешко"

"Не сме само ние во таква ситуација, тешко е да се најдат вистински фудбалери за вистинската цена".

"Знаеме колку тешка ќе биде оваа лига и треба да бидеме подготвени".

"Треба да бидеме реалисти, сакаме да бидеме стабилен премиерлигашки клуб и за тоа треба да работиме напорно оваа година и да дозволиме клубот да напредува".

"Имаме неколку фантастични засилувања тука, знаеме што може да биде овој клуб но во моментов сме далеку од тоa" - заврши Хатон.

Powered by: 24 FUDBAL.com.mk