Димитар Бербатов има голема желба оваа сезона да дојде до титулата во Премиер лигата со Манчестер Јунајтед.
Бугарскиот интернационалец летово дојде од Тотенхем и е еден од ретките на Олд Трафорд кој нема освоено титула во Премиер лигата.
Бербатов вели дека ќе направи се за Манчестер Јунајтед да дојде до титулата.
"Фудбалерите кои веќе ја освоиле, сакаат повторно, повторно и повторно" - вели Бербатов.
"Јас ја немам освоено титулата. Па кога сум тука секако дека сакам да го направам тоа".
"Со помош на сите, со добра игра на теренот и со тимот кој го имаме, сигурен сум дека повторно ќе ја освоиме" - изјави Бербатов.
Вечерва Јунајтед го игра заостанатиот натпревар од Премиер лигата против тимот на Фулам.
