Македонија Капитенот на Работнички, Никола Глигоров е пресреќен по повикот за настап во националниот тим.

Јонуз во последен момент одлучи да го повика Глигоров на местото од Величе Шумуликоски кој беше во потрага по нов клуб.
Никола Глигоров не го крие задоволството од повикот во репрезентацијата, се надева дека ќе ја оправда довербата и ќе го задржи репрезентативниот статус.

"Повикот од селекторот Јонуз го добив во Манчестер на аеродром веднаш по натпреварот со Ливерпул, и ми требаше неколку моменти да сфатам што навистина се случува" - изјави Глигоров за страната на ФФМ.

"Ова ми е најубавиот телефонски повик до сега. Последниов месец убави работи се случуваат во мојата кариера и се уште сум под импресии од сето тоа".

"Пресреќен сум што сум дел од македонската репрезентација и нормално ќе дадам се од себе на секој тенинг а посебно на натпреварот за ја оправдам довербата, искористам дадената шанса и го задржам статусот на репрезентативец".

"Соиграчите ме прифатија одлично, со сите се знам и од претходно, но првпат се среќаваме во ваква ситуација. Во среда очекувам добра игра и победа против Малта за продолжување на победничкиот низ на репрезентацијата" - заврши Глигоров.

Powered by: 24 FUDBAL.com.mk