Италија Адриано потврди дека работи напорно и е на строга диета со цел да биде подготвен за натпреварот од Супер Купот против Интер на 21ви август.

Адриано како слободен фудбалер се пресели во Рома и своето деби во дресот на Римската Волчица ќе го има против неговиот поранешен клуб Интер.
"Полека ја пронаоѓам својата форма. Работам многу добро секоја недела на тренинзите па ќе напредувам од натпревар во натпревар" - вели Адриано.

"Сеуште е рано, но работите се одвиваат кон подобро со помош на Франческо Тоти".

"Сите ми помагаат да се чувствувам удобно, особено Бразилците. На вистинската патека сум и на пријателскиот натпревар против Пескара одиграв цел час без да се заморам".

"Генерално целиот тим напредува во подготовките, не само јас".

"Сите ние се надеваме дека ќе бидеме 100% подготвени за натпреварот против Интер" - заврши Адриано.

Powered by: 24 FUDBAL.com.mk