Англија Боб Бредли потврди дека би сакал да биде тренер во Европа откако беше прогласен за еден од фаворитите за нов менаџер на Астон Вила.

Мартин О'Нил синоќа си поднесе оставка од менаџерската позиција во Астон Вила, веројатно поради несогласувања со клубот за трансфер политиката.
Сопственикот Ренди Ларнер е во потрага по нов менаџер, информациите велат дека посакува да го донесе американскиот селектор, Боб Бредли.

Бредли во моментов ја подготвува репрезентацијата на САД за дуелот против Бразил, но вели дека е отворен за нови предизвици.

"Сум рекол многу пати дека секогаш сум возбуден за нови и поинакви предизвици" - вели Бредли.

"Да се биде тренер во Европа е нешто што би сакал да го направам".

Бредли се поврзуваше и со менаџерската функција во Фулам, но вели дека никогаш немал контакт со тој клуб.

"Луѓето ме поврзуваа со Фулам, но никогаш не сум зборел со никој од тој клуб".

Powered by: 24 FUDBAL.com.mk