Италија Според италијанските медиуми, Милан се интересира за младиот дефанзивец на Џенова, Салваторе Бокети.

Corriere dello Sport во денешниот број информира дека Милан посакува да го ангажира Салваторе Бокети.

Новиот тренер на Милан, Масимилиано Алегри посакува да го освежи составот ова лето и во Бокети гледа одлично засилување за дефанзивната линија.

23-годишниот Бокети важи за еден од надежите на италијанскиот фудбал, тој потекнува од школата на Асколи, во Џенова прерасна во еден од незаменливите играчи во овој тим.

Џенова нема лесно да се откаже од Бокети, па информациите велат дека како дел од понудата за него, Милан ќе го вметне и искусниот Марек Јанкуловски.

Се споменуваат и имињата на Абате и Бонера како можни фудбалери кои би биле вклучени во оваа зделка.

Powered by: 24 FUDBAL.com.mk