Англија Менаџерот на Челзи, Карло Анчелоти има доверба во составот на Сините од минатата сезона кој ја освои Премиер лигата, иако просечната старост на тимот е доста висока, но најави дека ќе им даде шанса и на младите од академијата.

Карло Анчелоти е познат по тоа што им верува на старите фудбалери, Челзи во преодниот рок го купи Бенајун и наскоро се очекува потпис на Рамирез, но овие две засилувања нема многу да ја намалат просечната старост на тимот кој важи за еден од најискусните во Европа.
"Притисокот врз тимот е ист како и во минатата сезона. Ние стартуваме со цел да освоиме нешто и целта е да бидеме конкурентни до самиот крај" - вели Анчелоти.

"Доколку освоиме нешто и оваа сезона, тоа ќе биде фантастично, посакуваме подобар настап и во Лигата на Шампионите".

"Треба да го правиме она што го правевме минатата сезона. Многу е важно да го контролираме заморот на фудбалерите, мораме да ја контролираме должината на тренинзите".

"По фантастичната сезона која ја имавме, сметаме дека можеме да го повториме тоа со овие фудбалери".

Но, Анчелоти планира повеќе шанса да им даде на играчите од академијата.

"По фантастичната сезона за нас е многу тешко да го промениме овој состав, се сложивме да го задржиме и да додадеме некои фудбалери од академијата".

"Мислам дека филозифијата на клубот да внесе млади фудбалери е вистинска работа".

"Јас потполно се согласувам со тоа и верувам дека голема мотивација ќе биде тоа за младите, се разбира ние имаме многу искусни фудбалери кои можат да им помогнат".

"За мене многу е важна работата со младите бидејќи можам да ги научам многу. Сите треба да им дадат поддршка на младите фудбалери" - заврши Анчелоти.

Powered by: 24 FUDBAL.com.mk