Англија Сеск Фабрегас потврди дека останува во Арсенал, преговорите се завршени и комплетно е фокусиран на новата сезона во Премиер лигата.

Фабрегас потврди, останува во Арсенал, со тоа се става крај на сите шпекулации поврзани со неговата иднина.

Шпанецот признава дека посакувал да се пресели во Барселона, но комплетно ја почитува одлуката на Арсенал да го задржи и ветува дека комплетно ќе биде посветен на игрите на Топџиите во новата сезона.

"Најпрво сакам да им се извинам на сите фанови на Арсенал поради тоа што не прозборев за мојата иднина до сега, но не знаев што ќе правам се до овој момент" - изјави Фабрегас за Sky Sports News.

"Не можам да кажам дека преселба во клуб како Барселона не е атрактивна опција за мене. Тоа беше клубот каде што научив да ја играм мојата игра, тоа е мојот град каде што се моите пријатели и мојата фамилија и клубот за кој од секогаш сум сонувал да играм. Нема многу фудбалери во светот кои не би сакале да играат во Барселона".

"Во изминатите месеци имав многу разговори со Арсен Венгер и лично и преку телефон, иако овие разговори ќе останат приватни, заклучокот е дека Барселона испратила две формални понуди кои биле одбиени од Арсенал".

"Јас сум професионалец и комплетно ја разбирам одлуката на Арсенал да не ме продаде".

"Му должам многу на клубот, менаџерот и на фановите и ќе ја почитувам нивната одлука и сега ќе се сконцентрирам на новата сезона со Арсенал".

"Можам да ги осигурам сите фанови дека преговите се завршени и 100% ќе бидам фокусиран на игрите за Арсенал".

"Јас сум фудбалер на Арсенал и се додека е така секогаш кога ќе стапнам на теренот тоа е единствениот клуб на кој ќе мислам".

"Сега гледам кон стартот на новата сезона и ги оставам шпекулациите зад мене" - заврши Фабрегас.

Powered by: 24 FUDBAL.com.mk