Англија Лука Модриќ вели дека имал понуди од други клубови, но неговата желба е да го носи дресот на Тотенхем.

Модриќ во дресот на Тотенхем се промовираше во еден од најдобрите фудбалери на својата позиција предизвикувајќи интерес од поголеми клубови.

Сепак хрватскиот интернационалец не ни размислува за напуштање на Тотенхем, вели дека е среќен на Вајт Харт Лејн и не планира да замине.

"Тотенхем ми даде можност да играм во Премиер лигата, поради тоа сакам да продолжам да играм во дресот на овој клуб и да му помогнам да дојде до уште поголеми успеси" - вели Модриќ.

"Знам дека други клубови се распрашувале за мене, но јас воопшто немав никаква потреба да размислувам за заминување".

"Минатата сезона завршивме во Топ 4, мислам дека тоа е сериозен показател за нашите можности".

"Чувствувам дека во иднина можам да ја подобрувам својата игра и сите мои амбиции да ги задоволам во Тотенхем" - заврши Модриќ.

Хари Реднап постојано има пофални зборови за хрватскиот фудбалер.

"Според мене, Модриќ може да игра во било кој клуб во светот. Тој е фантастичен фудбалер, светска класа" - вели Реднап.

Powered by: 24 FUDBAL.com.mk