Шпанија Новиот тренер на Реал Мадрид, Жозе Мурињо вели дека тој сакал Раул да остане на Бернабеу, но ја почитува одлуката на легендата на Кралевите.

Во тек се подготовките на Реал Мадрид за престојната сезона во која ќе го нема легендарниот Раул Гонзалез.

По сезоната во која не беше во преден план, Раул одлучи да си замине од Реал Мадрид и да се пресели некаде каде што почесто би бил на теренот.

Мурињо вели дека тој посакувал да остане Раул во тимот, но ја разбира одлуката на напаѓачот.

Раул и Гути направија многу за овој клуб. Ништо повеќе не можев да им кажам освен да им изразам почитување - вели Мурињо.

Сакав Раул да остане, но негово е правото да одлучи за иднината и да продолжи да игра на највисоко ниво.

Нападот на Реал сега почива на нозете на Бензема, Игуаин и Роналдо.

Powered by: 24 FUDBAL.com.mk