Италија Емануел Адебајор признава дека е подготвен да го напушти Манчестер Сити и додава дека Јувентус е примамлива опција

Се шпекулира дека интернационалецот од Того е една од желбите на Старата Дама за засилување на нападот.
Исто така извештаите на медиумите од Англија говорат дека Манчестер Сити е подготвен на преговори за продажба на Адебајор со оглед на тоа дека Роберто Манчини има многу опции за нападот а ’Граѓаните’ наскоро ќе треба да се ослободат од голем борј играчи поради новите правила на Премиер Лигата.

Марио Балотели од Интер е блиску до преселба на Истлендс и Емануел Адебајор е свесен дека во новата сезона можно е тој да има ограничена минутажа.

Затоа напаѓачот полека размислува за преселба во друг клуб и признава дека Јувентус е примамлива опција.

“До неодамна немаше да прифатам понуда од друг клуб.” – рече Адебајор. “Сеуште сакам да го носам дресот на Сити и да одиграм подобра сезона од минатата.”

“Но разбирам дека за мене најверојатно нема да има многу шанси за настап и поради тоа ќе ги земам во предвид сите понуди што ќе пристигнат.”

“Жалам што ќе ја напуштам Премиер Лигата но во Европа има и други првенства од виско ниво.”

“Јувентус? Тие се голем клуб и би сакал да играм таму.”

Powered by: 24 FUDBAL.com.mk