Италија Екипата на Парма потврди дека го комплетирале трансферот на Себастиан Џовинко од Јувентус

Парма уште вчера постигна договор со Јувентус за преселба на младиот Џовинко на Енио Тардини на едногодишна позајмица.

Денес клубот требаше само да постигне договор со играчот и откако популарната ’Атомска Маравка’ рече ’ДА’, Парна на својата официјална веб страна го потврди ангажманот на плејмејкерот.

Соопштението гласеше: “Парма може да потврди дека го ангажираше Себастиан Џовинко од Јувентус на едногодишна позајмица со опција за купување на 50% од неговата сопственост.”

“Играчот ќе биде презентиран вечерва на прес-конференција на Енио Тардини која ќе започне во 19 часот.”

Џовинко во сезоната 2007/2008 блесна во дресот на Емполи по што Јувентус реши да го врати плејмејкерот во Торино.

Но во изминативе две сезони 23 годишниот Џовинко не успеа да се наметне во првиот тим и имаше само ограничена минутажа.

Powered by: 24 FUDBAL.com.mk