Англија Напаѓачот на Манчестер Јунајтед, Вејн Руни инситира дека Премиер Лигата станува се потешка за освојување

Тимот на Сер Алекс Фергусон во овој момент има ист број на титули со Ливерпул – 18 – а минатата сезона само за еден бод ја загуби битката со Челзи за врвот.

Црвените Ѓаволи ќе се обидат оваа сезона да креираат нова историја но Руни, кој се пресели на Олд Трафорд во 2004 и има три титули со Јунајтед, вели дека оваа година ќе биде многу тешко да се стигне до насловот шампион во Премиер Лигата.

Тој рече: “Откако потпишав со Јунајтед мислам дека Премиер Лигата прогресивно станува се потешка за освојување.”

“Знам дека е клише но нема лесни натпревари во Премиер Лигата. Во претходните сезони можеби имаше натпревари каде топ клубовите можеа да ги одмараат своите ѕвезди но повеќе не е така.”

“Во денешно време тешко можете да оставите играч на клупата бидејќи секој натпревар е компетитивен и тежок.”

“Сезоната 2009/2010 сигурно беше најкомпетитвната сезона која сум ја одиграл. Во последните три или четири години можеше во текот на сезоната да се предвиди кој ќе биде шампион, но оваа година ќе биде многу повозбудливо.”

“Повеќето од топ тимовите загубија поголем број натпревари отколку што очекуваа.”

“Беше многу изедначено на крајот од сезоната; ја загубивме титулата за само еден бод.”

Руни кој ја доби наградата за Најдобар Фудбалер во Сезоната во изборот на неговите колеги и во изборот на новинарите вели дека својот глас го дал за Дидие Дрогба.

“Мојот глас за играч на сезоната отиде кај Дидие Дрогба. Тој постигна многу погодоци и според мене тој беше причината зошто Челзи ја освои титулата”

Powered by: 24 FUDBAL.com.mk