Англија Рој Хоџсон е убеден дека Фернандо Торес ќе може да биде инволвиран во воведниот натпревар на Ливерпул од новата сезона во Премиер Лигата

Менаџерот на ’Црвените’ признава дека тие ќе ги превземат сите мерки за заштита за Торес да ужива во сезона без повреди но сеуште не скаа да ја отфрли можноста за настап на напаѓачот на дуелот со Арсенал.
Торес заработи повреда на бутниот мускул во завршните мигови од финалето на СП 2010 и првичните прогнози беа дека напаѓачот ќе паузира од три до четири недели со што шпанскиот интернационалец е во трка со времето да биде фит за првиот натпревар во Премиер Лигата.

“Тој се врати пред неколку дена и потребно е да работи многу за да се осигура дека ќе се опорави од одморот и повредата што ја заработи на Светското Првенство.” – рече Хоџсон.

“Нема да го ризикуваме против Работнички, но се надевам дека Торес ќе биде подготвен за дуелот со Арсенал но свесен сум дека лекарскиот тим може да ми каже дека и тој датум можно е да биде преран.”

Хоџсон потоа додаде: “Веруваме дека тој не беше доволно фит за настап на Светското Првенство и дека тоа можеби влијаеше на неговите перформанси и тоа е причината за неговата повреда па потребно е да бидеме внимателни и да се осигураме дека тој ќе биде подготвен – не само за 15 август туку и за целата сезона.”

Powered by: 24 FUDBAL.com.mk