Италија Фиорентина потврди дека Стеван Јоветиќ има повреда на лигаментте на десното колено и ќе паузира од шест до седум месеци

Медиумите од Италија утрово објавија дека Стеван Јоветиќ на вчерашниот тренинг заработил сериозна повреда откако со солзи во очите предвреме заминал во соблекувалната.
Се шпекулираше дека интернационалецот од Црна Гора има повреда на лигаментите на коленото поради која ќе отсуствува од три до четири месеци.

Но по извршените детални тестови Фиорентина денес соопшти дека Стеван Јоветиќ ќе паузира од шест до седум месеци.

“Екипата на Фиорентина може да потврди дека Стеван Јоветиќ има исекотина на вкрстените лигаменти на десното колено.” – гласеше соопштението на Виолетовите.

“Поради тоа играчот веднаш треба да замине на операција која ќе биде испланирана во следниве денови. Се очекува тој да се врати на терените по 6 до 7 месеци.”

Јоветиќ повредата ја здоби на вчеашниот тренинг при еден дуел со Марио Болати.

Ова се лоши вести за Виолетовите и Синиша Михајловиќ кои имаа големи очекувања од Стеван Јоветиќ оваа сезона откако поранешниот фудбалер на Партизан по тешката прва сезона во Фиренца минатата сезона импресионираше со настапите и го привлече вниманието на гиганти од типот на Барселона и Манчестер Јунајтед.

Powered by: 24 FUDBAL.com.mk