Италија | „Нероаѕурите“ соопштија дека Лучано Сплети повеќе не е тренер на првиот тим, се очекува наскоро Антонио Конте да биде промовиран во нов кормилар.
Најавите за отказ на Лучано Спалети се остварија, Интер потврди дека стратегот е разрешен од должноста.
„Интер може да потврди дека Лучано Спалети повеќе не е тренер на првиот тим. Клубот сака да му се заблагодари за досегашната работа и остварените резултати“ – гласеше краткото известување.
Стратегот има договор до 2021, и се шпекулираше дека Интер ќе треба да исплати 25 милиони евра за да го обесшети Лучано Спалети и неговиот тренерски персонал.
Во овој момент договорот не е раскинат и во следните недели, Бепе Марота ќе преговара со Лучано Спалети за висината на отпремнината.
Се очекува во скоро време Антонио Конте да биде промовиран за нов тренер на „нероаѕурите“.
Извор: 24FUDBAL.com.mk
