Шпанија | Полицијата од Шпанија уaпси неколку лица осомничени за местење на натревари во првата и втората лига, еден од сомнителните натпревари е пресметката помеѓу Уеска и Настик на кој настапи и нашиот Столе Димитриевски.

Утрово беше спроведена акција за сузбивање на криминалот во фудбалот во Шпанија, и за местење натпревари беа приведени неколку фудбалери од првата и втората лига како и претседателот на Уеска, Агустин Ласаоса и првиот човек на лекарскиот тим во клубот, Хуан Карлос Галиндо.

Медиумите пишуваат дека на чело на организацијата бил поранешниот фудбалер на Реал Мадрид, Раул Браво. Зад решетки завршиле и Борха Фернандез од Ваљадолид, поранешниот играч Карлос Аранда, Ињиго Лопез кој во моментов игра за Депортиво и Саму Саиз од Хетафе, но потоа беше објавено дека Саиз не бил приведен и во моментов е на одмор со семејството.

Истрагата за местени натпревари била отворена поради сомнителни облози на мечот помеѓу Хуеска и Настик во 41. коло од минатата сезона во Секунда.

Алармите биле вклучени кога на неколку часа пред почетокот на мечот почнале да се уплаќаат големи облози за реми без погодоци на полувреме и победа на гостите на крајот.

По првото полувреме на овој меч резултатот беше 0-0 а на крајот Настик победи со 0-1, бодови кои му беа многу важни во битката за опстанок а за Уеска овој меч немаше никакво резултатска значење со оглед на тоа дека едно коло претходно го имаше заверено пласманот во Примера. На овој меч настапи и нашиот Столе Димитриевски, кој стоеше помеѓу стивите на Настик.

Извештаите велат дека дури 30 обложувалници го суспендирале обложувањето на овој натпревар откако станало јасно дека лицата кои вложувале на овој меч можеле да стигнат до ќар од најмалку 10 милиони евра.

Извор: 24FUDBAL.com.mk