Шпанија | Еибар има прилика да заработи неколку милиони евра со еден потег, клубот од „Ипуруа“ ја активираше опцијата да го купи Марк Кукуреља но се очекува Барса за брзо да го врати левиот бек во своите редови за двојно повеќе.

20 годишниот Шпанец беше испратен на позајмица во Еибар на калење и се покажа во одлично светло. 20 годишниот лев бек забележа дури 31 настап во Ла Лига а постигна и еден гол, и тоа токму против својот клуб Барселона.

Еибар денеска соопшти дека ја користи опцијата во целост да го купи играчот за 2 милиони евра. Тешко за верување е дека Марк Кукуреља ќе остане на „Ипуруа“ но барам клубот од Баскија ќе може да заработи неколку милиони.

Барселона има опција да го врати левиот бек на Камп Ноу за 4 милиони евра, и по партиите кои ги прикажуваше оваа сезона сигурно ќе се случи тоа.

Марк Кукуреља може да биде одлична замена за Жорди Алба, но „каталонците“ можат и да го продадат за поголема сума откако неколку други клубови пројавија интерес за неговите услуги.

Извор: 24FUDBAL.com.mk