Шпанија | Синоќа „АС“ излезе со вест дека е договорен трансферот на Лука Јовиќ во Реал Мадрид, а денеска „Скај Германија“ оди чекор повеќе и вели дека фудбалерот веќе ставил потпис со шпанскиот гигант.

Лука Јовиќ ќе биде фудбалер на Реал Мадрид од идната сезона, веќе и нема дилеми за тоа.

„Скај Германија“ тврди дека ги има деталите за трансферот. Тие велат дека фудбалерот веќе го потпишал договорот кој е во траење од пет години.

Според нив Јовиќ ќе има плата од 10 милиони евра по сезона, а Реал Мадрид за неговиот потпис ќе плати 60 милиони евра.

Од тие 60 милиони евра, 48 ќе завршат во касата на Ајнтрахт Франкфурт, а 12 кај Бенфика.

21-годишниот Јовиќ ќе биде второ засилување за Реал Мадрид кој веќе го ангажираше Милитао.

Извор: 24FUDBAL.com.mk