Италија | Легендарниот фудбалер стави крај на една богата ера во дресот на Римската волчица, реализирајќи 615 меча за тој клуб, дебитираше во 2001. година најпрво развивајќи се во младинската академија на Рома, на два пати го подигна трофејот во Копа Италија, и еднаш во Суперкупот, го замени долгогодишниот капитен Тоти преземајќи го водството на екипата по него.
Капитенот на Рома, Даниеле Де Роси ќе си замине од клубот по крајот на актуелната сезона, завршувајќи цели 18 години кариера мината во тимот на Римската волчица, за оваа вест има и официјална потврда од Рим.
Клубот потврди дека Де Роси си заминува, додавајќи дека 35 годишниот фудбалер нема да се пензионира, туку ќе „јуриша“ на нова авантура во својата кариера, вон Рим.
Де Роси реализираше 615 настапи во дресот на Рома, таа бројка го постави на второто место на листата за таа категорија, веднаш зад легендарниот Франческо Тоти, кој инаку беше капитен на тимот пред него.
Рома објави видео на социјалните мрежи, со што се збогуваше со Де Роси на еден преубав начин, а неговиот последен меч ќе биде оној против Парма на 26 мај, сигурно ќе биде спектакл на Олимпико, како оној во последниот меч на Тоти, кога арената во Рим беше во солзи на гледалиштето...
Извор: 24FUDBAL.com.mk
