Италија | Фудбалската федерација на Италија немаше милост за Палермо, „сицилијанците“ поради финансиски нерегуларности се казнети со преселба во Серија Ц.
Уште минатата недела беше објавено дека Илија Несторовски и Александар Трајковски со Палермо можат да завршат во трета лига и покрај тоа што цела сезона се борат за влез во елитата и обезбедија плеј-оф со финиш на третото место на табелата.
Најцрното сценарио беше потврдено денеска, националниот федерален суд при Фудбалската федерација на Италија немаше милост за „сицилијанците“.
Поради финансиски нерегуларности, судијата одлучи Палермо да ја заврши сезоната како последнопласиран тим на табелата, што автоматски значи преселба во Серија Ц.
Палермо сега има рок од два дена да достави жалба, а одговор ќе добие во период од десет дена.
Извор: 24FUDBAL.com.mk
