МЕНИ

Македонија | Денеска се комплетираше 33 коло во најсилниот домашен фудбалски шампионат, на три кола до крајот Беласица се издигна и има фантастична серија која и дава надеж за опстанок во елитното друштво, Струмичани со гол во финишот дојдоа до пресврт и победа над Ренова.

Беласица продолжи со серијата добри партии во Првата македонска фудбалска лига откако денеска на Младост во Струмица, пред своја публика дојде до победа од 3-2 над Ренова, со што освои златни бодови во битката за опстанок.

Мирчевски го отвори мечот на резултатски план за предност на домаќините од 1-0 во 19. минута, Гафури во 43. минута израмни и со резултат 1-1 се замина на паузата.

Гостите преку Кадриу направија пресврт со голот во 60. минута, но, следеше луда завршница на средбата во Струмица која на крајот донесе голема победа, најнапред Милушев во 86. минута израмни на 2-2, за во финишот Георгиев да погоди за 3-2.

Оваа победа на Беласица и дава голема надеж за опстанок во Лига, откако на табелата се доближи на само бод од Силекс, на позицијата која носи доигрување, а не е далечен ниту Работнички кој во моментов има два бода повеќе од Силекс, односно само три во однос на Беласица на три кола до крајот на актуелната сезона.

Резултати, 33 коло:

Академија Пандев – Победа 4:0

Беласица – Ренова 3:2

Македонија Ѓ.П. – Шкупи 1:0

Шкендија – Силекс 0:0

Вардар – Работнички 1:1

Табела: Шкендија 73, Вардар 60, Академија Пандев 56, Шкупи 43, Ренова 42, Македонија Ѓ.П. 41, Работнички 40, Силекс 38, Беласица 37, Победа 23.