Италија | Поразот од Торино го уклучи алармот во Милан, веднаш по мечот директорите во клубот имале состанок на кој зборувале за иднината на Гатузо.

На четири кола до крајот Милан падна на шестата позиција откако синоќа загуби на гостувањето кај Торино. Не само што мислијата за топ 4 е тешка, туку клубот може и воопшто да не се пласира во Европа.

На последните осум натпревари Милан има само една победа, две нерешени средби и дури пет порази меѓу кои е и елиминацијата од купот на Италија од Лацио.

Италијанските медиуми, „Скај Спорт Италија“ и „Газета дело Спорт“ пишуваат дека директорите веднаш по мечот имале состанок за иднината на Гатузо.

Иван Газидис, Леонардо и Паоло Малдини цели 90 минути биле заклучени на состанок по последниот свиреж на судијата.

Не е познато што одлучиле, но позицијата на Џенаро Гатузо е сериозно загрозена и се очекува да биде сменет, можеби и пред сезоната да заврши.

Извор: 24FUDBAL.com.mk