Франција | Иако му беше прв тренерски самостоен ангажман, Тјери Анри се испазари за богат договор со Монако, беше вистинска утка, на позицијата се задржа три месеци, но доби огромна оштета за отказот...

Тјери Анри работеше само три месеци во Монако, но заработи 25,5 милиони евра! Тоа е вкупната сума која ќе ја добие од францускиот клуб, тврди „Франс фудбал“.

Монако веруваше дека Анри ќе биде вистинскиот тренер за нив, му даде огромен договор, каков што немаат и многу поискусни тренери. Потпишана беше тригодишна соработка, но таа траеше само три месеци бидејќи тимот играше очајно.

Според клаузулата во договорот, раскинувањето скапо го чинеше Монако. Анри буквално го „одра“ клубот, зимајќи му тешки милиони за работа која ја заврши многу лошо.

Анри на клупата на Монако беше на 20 натпревари, од нив победи само на четири, загуби дури 11 пати и го остави тимот на 19. позиција во француската лига.

Извор: 24FUDBAL.com.mk