Италија Според агентот на Маикон, Антонио Калиендо, Реал Мадрид ја потценува правата вредност на неговиот клиент

Бразилскиот интернационалец се чини дека е целта број 1 на Жозе Мурињо и Реал Мадрид но до сега трансфер зделката сеуште не е комплетирана.

Во последните неколку дена медиумите од Италија шпекулираат дека Интер и Реал Мадрид имаат постигнато договор за висината на оштата откако Кралевите се сложиле да платат 28 милиони евра.

Но се верува дека сега најголем проблем е платата на играчот и извештаите говорат дека десниот бек посакува 7 милиони евра по сезона, нешто што Реал не помислува да го одвои.

Зборувајќи за Sky Italia Антонио Калиендо рече: “Играчот е на трансфер пазарот, но не знаеме какви се желбите на Интер.”

“Со Реал Мадрид работата е малку конфузна. Се надевам дека многу работи ќе ми бидат разјаснети во следните неколку часа.”

“Јасно е дека секој клуб што ангажира играч мисли за плаќање малку повеќе од она што е неопходно но можеби Реал ја потценува вредноста на играчот.”

“Клубот од Шпанија троши десетици и десетици милиони евра а сега се предомислува за еден милион за Маикон, кој е број еден во светот. Тука нешто не е во ред.”

“Во Мадиди има и фудбалери кои добиваат 12 милиони евра по сезона. Маикон беше голема инвестиција за Интер и тие се во право што сега си ја кажуваат својата цена.”

“Она што ме изненадува е однесувањето на Реал Мадрид. Тие го потценуваат придонесот што шампион како Маикон може да им ја даде.”

Ваквите зборови на Антонио Калиендо се малку изненадувачки откако утрово тој во интервју за медиумите од Шпанија рече: “Реал Мадрид е првата опција за Маикон. Манчестер Сити е заинтересиран но Мадрид секогаш е во предност.”

“Ќе се обидеме да пронајдеме решение со Реал Мадрид за ситуацијата на Маикон.”

Powered by: 24 FUDBAL.com.mk