МЕНИ

Лига на Шампиони | Бразилецот жестоко распали по УЕФА по одлуката за пенал на реваншот со Манчестер јунајтед, клучен момент во реванш пресметката кој Премиерлигашот го искористи, а сега за истите коментари му се заканува суспензија откако од Европската куќа на фудбалот потврдија дека почнале со истрага...

Европската куќа на фудбалот – УЕФА почна истрага за коментарите на првата ѕвезда на ПСЖ, Нејмар на социјалните мрежи по елиминацијата на францускиот тим во осминафиналето од Лигата на шампионите.

Иако ПСЖ славеше со 0-2 на гостински терен, пред своја публика во реваншот беше поразен со 1-3, а клучен момент беше пеналот во завршницата од мечот во Париз каде поради играње со рака на Кимпембе, со помош на ВАР технологијата беше одлучено да се досуди најстрога казна за Премиерлигашот, што во гол ја претвори Рашфорд, гол вреден четвртфинале за Манчестер јунајтед, односно елиминација за ПСЖ.

„Ќе стават четворица кои немаат никакво разбирање од фудбалот за да прегледуваат снимки во забавена форма, ова не е можно... Како може ова да биде играње со рака кога е свртен со грб? Е*ете се!“ гласеше тогаш пораката на Бразилецот на социјалните мрежи.

УЕФА потврди дека поставила инспектор по ова прашање кој со својот тим ќе ги истражува коментарите на Бразилецот на социјалните мрежи, а доколку од таму одлучат дека првата ѕвезда на ПСЖ го прекршила етичкиот и дисциплински кодекс поставен од УЕФА, тогаш сигурно ќе следи голема суспензија за Нејмар.