Лига на Шампиони | Германскиот клуб синоќа доживеа дебакл од мошне силниот и доста мотивиран состав на Пеп Гвардиола, меѓутоа Бундеслигашот во текот на мечот беше доста интересен во своите објави на Твитер...

Манчестер Сити му нанесе тежок пораз на Шалке 04 на реванш пресметката во осминфиналето од Лигата на шампионите, Премиерлигашот најпрво славеше на гостински терен со 2-3, а дома го прегази својот противник со 7-0.

Легендарниот Гери Линекер во текот на пресметката на социјалните мрежи прокоментира дека со ова темпо, Шалке би можел да доживее пораз каков што доживеа Тереза Меј, премиерката на Велика Британија на денот на гласањето за Брегзит, каде загуби со неверојатни 149 гласови.

„Би сакал да видам како Тереза Меј би се одбранила против Лерој Сане“ му одговори Бундеслигашот на објавата на Линекер, мислејќи на својот поранешен фудбалер кој постигна еден гол, а притоа реализираше и дури три асистенции.

Извор: 24FUDBAL.com.mk