Македонија | Се одигра првата пресметка во рамките на полуфиналната рунда од националниот фудбалски Куп на Македонија, на мечот во Струмица беше постигнат еден гол, а гостите си заминаа со сиот плен...

Поранешниот освојувач на македонскиот Куп, Македонија Ѓорче Петров обезбеди минимална победа од 0-1 на гостувањето кај Беласица во Струмица, во рамките на првата пресметка помеѓу овие две екипи во полуфиналето од националниот Куп.

Бразилецот Едуардо Карвалјо беше стрелецот на единствениот гол за гостите, а истиот беше постигнат во 33. минута, со тој погодок тимот од Скопје е со една нога во големото финале, но, тоа ќе мора да го потврди на реваншот пред своја публика, а сигурно Беласица нема да отиде на реваншот со бело знаме.

Следната среда со почеток од 14 часот се игра и втората полуфинална пресметка во Купот, Академија Пандев на домашен терен го пречекува тимот на Победа, а реванш пресметките се играат идниот месец.

Извор: 24FUDBAL.com.mk