Германија Екипата на Шалке потврди дека Раул Гонзалес се сложил да стави потпис на двегодишен договор и денес ќе пристигне во Гелзенкирхен

Легендата на Реал Мадрид во понеделникот на Сантијаго Бернабеу одржа церемонија со која се прости од Кралскиот клуб во кој помина 18 години.
Медиумите подолго време шпекулираа дека 33 годишниот напаѓач ќе се пресели во редовите на Шалке и покрај тоа што неколку клубови од Премиер Лигата беа заинтересирани за услугите на Шпанецот.

Но сета неизвесност сега е завршена откако Шалке потврди дека постигнале согласност со Раул за двегодишен договор и играчот денес ќе пристигне во Гелзенкирхен.

“Во последните преговори одржани во вторник навечер, Феликс Магат и бордот за спорт доби ветување од Раул за настап на играчот во Гелзенкирхен во следните две години.” – гласеше соопштението на Шалке.

“Играчот денеска треба да пристигне во Гелзенкирхен за да ги помине лекарските прегледи и попладнево 33 годишниот Раул ќе им се придружи на новите соиграчи на тренингот на Шалке.”

Тренерот Феликс Магат рече: “Ова се одлични вести за Шалке! Задоволен сум што успешно ангажиравме одличен играч и фудбалер од светска класа.”

“Неговите квалитети ќе ни помогнат. Неговата посветеност ќе биде важна во обидот да го зајакнеме тимот за следната сезона.“

“Сео нетрпение чекам да започнам да работам со професионалец како што е тој.”

Powered by: 24 FUDBAL.com.mk