МЕНИ

Лига на Шампиони | Според пишувањата на АС, најголем дел од играчите на Реал Мадрид навиваат за лутиот градски ривал Атлетико Мадрид во дуелот против Јувентус во Лигата на шампионите, и сакаат Кристијано Роналдо и „Старата Дама“ да бидат елиминирани...

Весникот, кој е близок до клубот од Сантијаго Бернабеу, вели дека триумфот од 2-0 на Атлетико над Јувентус во средата бил главна тема во соблекувалната на Реал Мадрид следниот ден. Фудбалерите ги коментирале спорните ситуации како и гестовите на Роналдо и Симеоне. Едногласен бил ставот дека „колчонероси“ биле подобар противник и заслужено победиле, но имало поделено мислење за тоа кој ќе продолжи во четвртфинале. Дел сметале дека Атлетико ќе ја одбрани предноста од два гола, додека пак другите потенцирале колку Јувентусе знае да биде опасен.

Што се однесува за тоа кого сакаат да видат во четвртфинале, најголемиот дел преферираат тоа да биде нивниот градски ривал.

АС вели дека Реал во Јувентус гледа еден од фаворитите за триумф во Лигата на шампиони, па доколку „Бјанконерите“ бидат елиминирани, тие ќе имаат поголеми шанси да го одбранат трофејот. „Кралевите“ со ова не го потценуваат Атлетико, едносвано сметаат дека полесно можат да се справат со градскиот ривал кого овој месец веќе го победија со 1-3 на Ванда Метрополитано.

Фудбалерите на Реал исто така посакуваат Атлетико да слави и поради Кристијано Роналдо. Доколку Јувентус помине и потоа налета на Реал Мадрид, ЦР7 ќе биде екестра мотивиран да се докаже против својот поранешен клуб и да му покаже на Флорентино Перез што пропуштил кога дал зелено светло за продажба. Играчите исто така сметаат дека ќе бидат жестоко критикувани доколку бидат елимирани од Португалецот, па преферираат да не го видат Јувентус во ждрепката за четвртфинале.