Шпанија | Се појавија шпекулации дека трансферот на Марсело во Јувентус е се поблиску да се оствари, но тренерот на Реал Мадрид посочи дека неговиот фудбалер е посветен максимално на шпанскиот гигант...

Бразилецот од редовите на Реал Мадрид, Марсело, се шпекулира дека е голема желба на италијанскиот првак Јувентус, особено по трансферот на Роналдо во Торино, но, шефот на стручниот штаб на Кралевите, Сантијаго Солари посочи зошто Бразилецот ќе остане во Мадрид.

„Марсело е нашиот втор капитен, тој е 100 проценти мадридиста, ние од сите фудбалери сакаме да го извлечеме максимумот“ рече Солари по синоќешното реми кај Барселона од 1-1 во првата пресметка од полуфиналето во Копа дел Реј.

Сепак, и покрај ваквите изјави на Солари, 30 годишниот бек беше на клупата за резервни фудбалери на три од последните четири меча кои ги одигра Реал Мадрид во Примера, а Марсело воедно беше и критикуван поради неговото очајно издание на Камп Ноу синоќа.

Извор: 24FUDBAL.com.mk