Англија | Оле Гунар Солскјер има фантастичен старт на тренерската позиција во Манчестер јунајтед, но тој беше донесен како привремено решение, очекувањата се дека клубот ќе потпише договор со него, но Руни има предлог и за друг стратег...

Раководството на Манчестер јунајтед на крајот од сезоната треба да одлучи дали ќе потпише долгорочен договор со Оле Гунар Солскјер или ќе донесе нов тренер.

Засега Норвежанецот е фантастичен, но тешките мечеви за Манчестер јунајтед допрва доаѓаат, па неизвесно е какви ќе бидат резултатите на тимот во продолжение.

Руни вели дека ако не се продолжи со Солскјер, клубот треба да го ангажира Маурисио Покетино.

„Оле ГУнар е фантастична личност. Мислам дека клубот на крајот од сезоната ќе треба да донесе одлука. Ќе биде убаво Оле да продолжи со оваа форма и да ја добие работата на долгорочна основа“, вели Руни.

„Но ако тоа не се случи, треба да се одбере друг тренер, според мене Покетино би бил вистинскиот за Манчестер јунајтед“.

Извор: 24FUDBAL.com.mk