Англија Сер Алекс Фергусон признава дека се наоѓа пред голема одлука за тоа дали да ги вклучи Андерсон и Овен Харгривс во составот на Манчестер Јунајтед за новата сезона

Новите правила воведени во Премиер Лигата диктираат тимовите да одберат состав од 25 фудбалери, од кои осумина треба да бидат ’од домашно производство’. Фудбалерите што сеуште немаат 21 година не се сметаа.

Листата мора да биде доставена по крајот на трансфер пазарот на 31 август и доколку е потребно таа може да биде променета во јануари.

Поради ваквите правила Сер Алекс Фергусон е во дилема дали да ги пријави Овен Харгривс и Андерсон за првиот дел од сезоната.

Харгривс повторно има проблеми со колената и сеуште не се знае кога тој ќе се врати на терените а и Андерсон нема да биде фит пред крајот на септември откако сеуште се опоравува од повредата на вкрстените лигаменти на коленото.

Фергусон рече: “Тоа ми претставува пробелм, но јас морам да чекам се додека можам.”

“Потребно е да донесам одлука во одреден момент и секако дека таа зависи од тоа кога играчите ќе се вратат на теренот.”

“Поголемиот дел од мојот состав е формиран во мојот памет, но за еден или двајца фудбалери потребно е да донесам одлука.”

Powered by: 24 FUDBAL.com.mk