МЕНИ

Италија | Новото засилување на Милан, Криштов Пјатек е полн со самодоверба, вели дека ќе направи се за росонерите да се вратат во Лигата на шампионите...

По импресивните настапи во дресот на Џенова, Милан го купи Пјатек за 35 милиони евра со надеж дека добрата форма ќе ја пренесе и на Сан Сиро.

„За мене ова е чекор напред во кариерата. Се надевам дека ќе играм добро со Кутроне. Сакаме да дадеме многу голови заедно и се надевам се ќе биде добро. Можам да играм со уште еден напаѓач до мене“, вели Пјатек.

„Роден сум подготвен. Подготвен сум и сега и ќе дадам се за Милан да се врати во Лигата на шампионите. Ќе се борам за Милан“.

„Од мал бев фан на Милан и мој сон беше да играм тука. Голема чест за мене е што седам до легенди како Малдини и Леонардо“.

„Се надевам дека мојот талент ќе го покажувам во секој меч. Не можам многу да кажам тука, тоа што треба да го кажам е на теренот'.

„Напаѓач сум, сакам да постигнувам голови на секој натпревар, да работам напорно и ќе видиме што ќе се случува на теренот“.

„Отсекогаш сум верувал во себе. Сакав да покажам нешто добро во Серија А кога потпишав за Џенова. Но јас сум истата личност која беше и пред да дојде во Италија“.

„Убаво е да се игра на Сан Сиро, но мислам дека секогаш е најважно што се случува на теренот. Фокусиран сум на тоа и ќе направам се што можам за да го давам најдоброто и да постигнувам голови“.