Шпанија Легендата на Реал Мадрид, Раул Гонзалез денес имаше емоционално збогување со тимот од Сантијаго Бернабеу

Кралскиот клуб уште вчера најави дека денеска во 13 часот во Кралската ложа на Сантијаго Бернабеу, капитенот Руал Гонзалез ќе одржи церемонија на која ќе се збогува од клубот.
33 годишниот напаѓач по 16 годиони престој во Реал Мадрид денес кажа збогум на тимот кој засекогаш ќе остане во неговото срце.

“Ова е тежок ден за мене.” – рече Раул.

“Сеуште се чувствувам како фудбалер и ќе продолжам да играм но секогаш ќе му бидам лојален на Реал Мадрид.”

“Секогаш се трудев да го дадам максимумот во моето време поминато тука.”

Се очекува Раул наскоро да стави потпис на договор со Шалке и напаѓачот признава дека ова е вистински момент за нов предизвик.

Тој додаде: “Нов период стартува денес.”

“Бев среќен во Реал Мадрид и секогаш ќе бидам подготвен да му помогнам на клубот на било кој начин.”

“Сакам да им се заблагодарам на сите за поддршката во сите овие години поминати тука. Фановите, моите соиграчи, тренерите, претседателите и медиумите.”

“Сакам да упатам специјални зборови на благодарност до моето семејство. Немаше да бидам ништо без нив.”

Претседателот Флорентино Перез додаде: “Ние нема да го заборавиме Раул.”

“Многу фудбалери се дел од историјата на Реал Мадрид но само малку се избрани да бидат олицетворение на клубот – и тој е еден од нив.”


“Еден од моите сонови како претседател на Реал Мадрид е играчите кои се дел од овој клуб да се вклопат во духот оставен од Раул.”

“Ти благодариме за сите овие години.”


Раул дебитираше за Реал Мадрид во 1994 и зад своето име забележа 741 натпревар и 323 погодоци.

Тој освои 16 титули во исто толку сезони поминати на Сангијато Бернабеу од кој шест трофеи од Ла Лига и три од Лигата на Шампионите.

Powered by: 24 FUDBAL.com.mk