Франција Тренерот на Марсеј, Дидие Дешамп ги негира шпекулациите дека дуото Таје Таиво и Хатем Бен Арфа ќе заминат од клубот.

Информациите велат дека Таиво не е во најдобри одности со Дешамп бидејќи не сака да го продолжи договорот со Марсеј.

Тој има уште една година од сегашниот договор и се поврзува со трансфер во Атлетико Мадрид, Ливерпул и Тотенхем.

Сепак, Дешамп не сака да слушне за негова продажба, планира да го задржи и Бен Арфа за кој исто така има интерес.

"Нема решение за случајот на Таиво" - изјави Дидие Дешамп за L'Equipe.

"Мојата позиција е јасна и ние нема да си пукаме самите во нога. Логично е да не го продадеме него".

"Разбирам дека тој сака да замине. Има уште една година од договорот и ние сакаме да го продолжиме, но неговиот агент одбива да соработува".

"Можам да потврдам дека ќе наме многу трансфери како минатата година".

"Бен Арфа? Тој сеуште е тука и јас нема да кажам кој ќе замине а кој не".

Дешамп повеќе е засегнат со евентуалните нови засилувања, се обидува да го донесе Алу Диара од Бордо.

"Нашиот приоритет е да се засилиме".

"Диара е квалитетен фудбалер и можам да разберам зошто Бордо сакаат да го задржат, но ние знаеме дека тој има можност да замине".

"Оптимист сум дека ќе го донесеме" - изјави Дешамп.

Powered by: 24 FUDBAL.com.mk