Шпанија | Доста тензична е ситуацијата во Челси кога се работи за напаѓачката линија, познато е дека Сари силно го посакува Игуаин, а веќе извесен период се најавува заминување на Мората од клубот, евентуален таков исход сигурно ќе го натера Премиерлигашот да го одврзе ќесето во потрагата по квалитетен напаѓач...

Кадења Копе пишува дека Атлетико Мадрид тргнал доста сериозно во обидот да се засили со напаѓачот на Челси, Алваро Мората.

Истиот медиум пишува дека спортскиот директор на шпанскиот прволигаш, Андреа Берта од вчера се наоѓа во Лондон и работи на тоа да ги финализира деталите од договорот за потенцијалниот трансфер на Шпанецот во Атлетико Мадрид.

Истовремено се шпекулира дека денес, агентот на напаѓачот, Хуанма Лопез , кој инаку е поранешен фудбалер на Атлетико Мадрид, отпатувал во Лондон за да разговара со челниците на Челси.

Претходно наведениот медиум додава дека Атлетико Мадрид се обидува да го добие Мората на позајмица со опција и целосно да го откупи неговиот договор, наводно Мората има нескриена желба да се пресели во Мадрид.

Извор: 24FUDBAL.com.mk