Англија | Челси продолжува со настапот во ФА Купот откако попладнево пред своите фанови со 2-0 ја доби пресметката со Нотингем Форест, Алваро Мората беше стрелец на двата гола...

„Сините“ успешно ја поминаа третата рунда во ФА Купот, избраниците на Сари беа подобри од второлигашот Нотингем Форест.

Слично како на претходните мечеви, Челси ја контролираше играта и го имаше поседот на топката, но недостасуваше реализација во првиот дел. Најдобрата шанса ја имаше Фабрегас, Шпанецот во 30. минута од мечот промаши пенал.

Клубот од Лондон сепак веднаш дојде во водство во вториот де. Одои нафрли од десната страна а Мората погоди за 1-0. Напаѓачот десет минути подоцна реализираше со глава за 2-0 и ги реши дилемите околу победникот. Но Шпанецот помеѓу двата погодока успеа и да се посрамоти откако промаши од два метри и наместо да ја затресе мрежата го префрли голот.

Извор: 24FUDBAL.com.mk