Италија Поранешниот директор на Јувентус, Лучијано Моџи го советува Силвио Берлускони да го донесе Злаан Ибрахимович на Сан Сиро

Медиумите го поврзуваат шведскиот интернационалец со преселба во Милан и покрај тоа што управата на Росоњерите во неколку наврати говореше дека тие не можат да си го дозволат трансферот на Ибрахимович.

Додатно официјалниот став на Барселона е дека напаѓачот не е на продажба а и самиот играч и неговиот агент ја повторија намерата следната сезона Ибра да го даде максимумот во дресот на Блауграна.

Поранешниот директор на Јувентус, Лучијано Моџи преку својата колумна за Tuttomercatoweb.com денеска го советуваше Силвио Берлускони да стори се што може за да го ангажира Златан Ибрахимович бидејќи напаѓачот е перфектен за Милан.

Сопственикот на Росоњерите неодамна откри дека во изминативе 25 години неговото семејство вложило 1,1 милијарда евра во Милан, но Моџи вели дека дел од засилувањата што ги направиле Росоњерите можеле да се избегнат.

“Советот што би му го дал на Милан е да сторат се што можат за да го донесат Ибрахимович во Миланело.” – напиша Моџи.

“Тој е единствениот фудбалер што му е потребен на Милан, но за да го ангажираат треба да бидат паметни, и овој квалитет секако дека тие го имаат. Може да се комплетира зделката, верувајте ми.”

“Слушнав дека Берлускони спомна за околу 1,1 милијарда инвестирани во изминативе 25 години, но некои купувања можеа да се избегнат.”

Powered by: 24 FUDBAL.com.mk