Македонија Работнички остана непоразен на гостувањето во Ерменија против Мика и си обезбеди дуел со Ливерпул во следната фаза од Лига Европа

По тешко издвојуваната победа од 1-0 на натпревар одигран пред седум дена во Скопје, Работнички отпатува во Ерменија.

Фудбалерите на Работнички имаа мотив плус откако ждрепката им донесе можен дуел со Премиерлигашот Ливерпул во следната фаза.

Нашиот претставник во Лига Европа денеска имаше само една цел - да остана непоразен на гостувањето кај Мика - и вицешампионот на Македонија успеа во своите немери играјќи реми без погодоци.

Тоа значеше дека погодокот на Вандаир во 87та минута од првиот натпревар се покажа како доволен за нашиот преставник да се пласира во третото квалификациско коло.

Сега Работнички на 29ти јули ќе патува во Англија каде на Енфилд ќе се сретне со Ливерпул.

На 5ти август во Скопје на Филип Втори Арената, ’Црвените’ ќе го одиграат реванш дуелот од третото квалификациско коло.

Powered by: 24 FUDBAL.com.mk