Италија Маурицио Зампарини открива дека тој ја одбил понудата на Реал Мадрид за услугите на Хавиер Пасторе вредна 25 милиони евра

Претседателот на Палермо додатно вели дека очекува аргентинскиот интернационалец да заврши во Барселона, кај неговиот сонародник и добар пријател, Лионел Меси.

Пасторе минатото лето пристигна во Сицилија и уште тогаш беше најавен како голем талент носејќи го со себе епитетот ’новиот Кака’.

Зампарини постојано откриваше дека голем број клубови од Европа сакаат да стигнат до услугите на плејмејкерот а директорите на Милан секоја недела биле во контакт со него.

Во интервју за Il Giornale претседателот на Палермо сега открива дека одбил понуда од Реал Мадрид вредна 25 милиони евра.

“Дали имам добиена голема понуда? Реал Мадрид доставија понуда вредна 25 милиони евра.” – рече Зампарини. “Но јас веднаш одговорив “НЕ’.”

“На играчот му објаснив се. Тој е интелегентен и разбира се. Подобро е да биде стартер во Палермо отколку резерва во Мадрид.”

“Во секој случај, за мене во моментов тој вреди 50 милиони евра.”

Популарниот Зампа потоа додаде: “Мислам дека Пасторе на крајот ќе заврши во Барселона и покрај тоа што Жозе Мурињо го сака по секоја цена.”

“Пасторе е добар пријател со Лионел Меси и знам дека му има дадено ветување.”

Powered by: 24 FUDBAL.com.mk