МЕНИ

Англија | Според пишувањата на „Сан“, Манчестер Сити ја разгледува опцијата да изгради тренинг центар во главниот град на Англија, „Граѓаните“ веруваат дека на овој начин ќе можат подобро да се подготват за гостувањата на југот...

Манчестер Сити во 2014 отвори ултра модерен тренинг центар во близина на Етихад Стадионот за кој беа потрошени помеѓу 150 и 200 милиони фунти.

„Граѓаните“ сега планираат да изградат мини реплика на овој комплекс, но преку 300 километри подалеку од својот дом, поточно во Лондон.

Според пишувањата на „Сан“, Манчестер Сити сака да има база кога ќе гостува на југот на Англија и наместо да престојува во хотел, ќе биде смесен во својот комплекс каде Пеп Гвардиола и неговите избраници ќе имаат и игралиште на располагање. „Граѓаните“ сметаат дека на овој начин ќе можат подобро да се подготват за мечевите и ќе имаат дополнителна предност.

Во моментов, дури шест ривали се од Лондон (Челси, Арсенал, Тотенхем, Вест Хем, Кристал Палас, Фулам), а на оваа листа треба да се придодаде и Ватфорд бидејќи се работи за клуб од предградието на Лондон.

На југот уште се наоѓаат и Саутемптон, Борнмут и Брајтон, со што се доаѓа до бројката од 10 клубови, односно половина Премиерлига.