Италија | Аргентинскиот офанзивец не обрнува внимание на шпекулациите кои го поврзуваат со заминување од Јувентус изминатиов период, наспроти тоа, тој е фокусиран на реализирање на целите на клубот за кој настапува во моментов...
Пауло Дибала извесен период се поврзува со трансфер во Баерн Минхен, но, тој вели дека и покрај тие шпекулации, тој не ни размислува на таа тема, ниту пак посакува трансфер во таа екипа, додавајќи дека е среќен во редовите на италијанскиот првак.
„Не ни размислувам на таа тема, ниту евентуален трансфер во таа екипа. Среќен сум што играм во Јувентус, имаме високи цели и фокусирани сме да ги реализираме истите“ рече Аргентинецот во изјавата за Calciomercato додавајќи дека титулата од Лигата на шампиони останува цел на Јувентус и оваа сезона.
„Мислев дека ланската сезона сме близу до остварување на таа цел, но сега, очекувањата нараснаа мошне брзо, нашите желби останаа исти и оваа сезона, сакаме да освоиме се што е можно да се освои“ заклучи Дибала.
Извор: 24FUDBAL.com.mk
