Италија Генералниот директор на Јувентус, Бепе Марота вчера имал средба со претставници на Един Џеко

Не е тајна дека Старата Дама сака да стигне до услугите на интернационалецот од БиХ и Бепе Марота вчера за Corriere dello Sport откри дека ’Јувентус сеуште сонува за ангажман на Един Џеко’.

Денешното изадние на Tuttosport говори дека Бепе Марота вчера одржал состанок со претставници на Џеко во Хотел Пала во близината на тренинг кампот на Јувентус во Варесе.

Исто така генералниот директор подоцна се сретнал и со Диего за да дискутира за иднината на Бразилецот, за кого медиумите шпекулираат дека би можел да биде вметнат во трансферот на Џеко.

Волфсбург побарува околу 40 милиони евра за услугите на Един Џеко и Јувентус не може да си ја дозволи таа сума па затоа би можеле да го употребат Диего за намалување на барањата.

Во меѓувреме голем дел од медиумите од Италија денес го цитираат Џеко како им се обратил на своите блиски пријатели: “Доколку Јувенутс навистина ме сака, нема да имам никаков проблем за одбивање на понудата на Манчестер Сити.”

Powered by: 24 FUDBAL.com.mk