Македонија | Македонската репрезентација до 19 години го победи Луксембург со 2-0 и беше на чекор до пласман во елитната фаза од квалификациите, но Хрватска во самиот финиш од мечот со Чешка дојде до бод кој значеше елиминација за нашата селекција...
Во денешното последно коло на Македонија У19 и беше потребна победа против Луксембург, но и пораз на Хрватска во мечот со Чешка, и тоа за малку ќе се случеше.
Нашата репрезентација со голови на Талески во 19. минута и Фазлагиќ на десет минути пред крајот, го победи Луксембург со 2-0.
Чешка водеше против Хрватска со 2-1 се до 90. минута кога Хрватите изедначија на 2-2 и го освоија второто место на табелата пред Македонија.
На турнирот кој се играше во Чешка, домаќинот со седум бода го освои првото место, Хрватска со пет е втора, Македонија со четири бода заврши на третото место, а Луксембург не успеа да освои бод.
Извор: 24FUDBAL.com.mk
