МЕНИ

Македонија | Селекторот на нашиот најсилен фудбалски репрезентативен состав сака брз погодок уште во почетната фаза од пресметката со аутсајдерот, тој додава дека сигурно ќе недостасува капитенот Пандев...

Во отсуство на капитенот Горан Пандев, најдобрата македонска фудбалска репрезентација вечерва го пречекува аутсајдерот Гибралтар со што ќе ги комплетира натпреварите од оваа фаза во Лигата на нации, за очекување е да се потврди првото место, за што сме фаворити, а селекторот Игор Ангеловски посакува брз гол уште во почетната фаза од средбата.

„Добро познат ни е стилот на Гибралтар. Претежно се ориентирани во одбраната и ја чекаат својата шанса преку контра. Јас и претходно кажав, не е важно со кого играме, туку за што играме, а тоа е потврда на првото место и домашно полуфинале во плеј-офот“ изјави селекторот кој додаде дека првата ѕвезда на тимот сигурно ќе недостасува во нашата игра.

„Капитенот Пандев сигурно ќе ни недостасува, но тимот треба да одигра за него. Фаворити сме и иако можеби на некои мечеви не играме според посакуваното, но во второто полвуреме влегуваме подобро и победуваме. Би сакал Гибралтар да го „отвориме“ уште на почеток. Нема потреба од никаква нервоза, за да одиграме квалитетно мора да бидеме агресивни уште од почеток. Воопшто не размислувам на плеј-офот и неговиот противник, само на претстојниот натпревар“ заклучи Ангеловски.

Мечот се игра вечерва на „Националната Арена Филип Втори“ во Скопје, со почеток од 20,45 часот.