Англија | Спорт најавува можен трансфер на Чилеанецот во шпанскиот гигант, тоа би можело да се случи уште во јануарскиот преоден рок, но, барем засега, плановите на Манчестер јунајтед за иднината на нивниот фудбалер во клубот не се познати...

Напаѓачот на Манчестер јунајтед, Алексис Санчез, според неофицијалните информации кои пристигнуваат, му бил понуден на Реал Мадрид во пресрет на јануарскиот преоден рок.

Шпекулациите велат дека агентот на Чилеанецот бара рута вон Олд Трафорд по која може да го пренасочи својот фудбалер, а Мадрид е извесна дестинација.

Фернандо Феличевич, агентот на Санчез наводно го понудил својот фудбалер на Реал Мадрид, а засега не се познати плановите на Манчестер јунајтед, кои неделно одвојуваат неверојатни половина милион фунти за платата на нивната ѕвезда која не дава перформанси какви што се очекуваат од него.

Извор: 24FUDBAL.com.mk