Шпанија | Извесен период се шпекулира дека Дембеле има големи проблеми со дисциплината, а Валверде нема трпение во однос на тоа прашање, наводно изоставувањето од составот за мечот против Бетис било јасна порака до Французинот...

Дефанзивецот на Барселона, Џерард Пике инсистира на тоа дека тој и неговите соиграчи ќе му помогнат на Осман Дембеле да се адаптира на животот во фудбалот 24/7.

Францускиот офанзивец беше изоставен за мечот против Бетис каде Каталонците на свој терен викендов загубија со 3-4 во Примера, а причината за таа одлука на Ернесто Валверде, според неофицијалните информации била недисциплина на фудбалерот

„Јас и сите соиграчи од тимот ќе се обидеме да му помогнеме, затоа сме тука, постојат многу причини кога одредени играчи се, односно не се повикани и селектирани во составот, јас сум сигурен дека одлуката да се изостави Дембеле за натпреварот беше од стратегиска смисла, ние ќе му помогнеме“ посочи фудбалерот на Каталонците.

„Тој е многу млад, кога сте на таа возраст лесно е да направите грешка, секој фудбалер бил на тоа ниво во нивните кариери претходно, фудбалот подразбира натпревари 24/7, живеете за тоа, дишете за тоа, така да, многу е важно тоа да го разберете во случај да го увидите својот потенцијал и се надевам дека оваа одлука ќе му помогне“ заклучи Пике.

Извор: 24FUDBAL.com.mk