Англија | Во среда ќе проследиме дерби дуел помеѓу Јувентус и Манчестер јунајтед во Лигата на шампионите, во Торино се враќа Пол Погба, а во пресрет на тој дуел Капело има интересно мислење во однос на тоа колку Мурињо е значаен во напредокот на Французинот...

Поранешниот тренер на Јувентус, Фабио Капело инсистира на тоа дека Жозе Мурињо му помогнал на Пол Погба да биде тоа што е денес во Манчестер јунајтед.

Францускиот репрезентативец ги напушти редовите на Јувентус за да се врати на Олд Трафорд во 2016. година, но, одреден период имаше и не баш добар однос со „Специјалниот“.

„Не беше лесно за Погба да се навикне на англискиот фудбал“ рече Капело во изјава за La Stampa.

„Тој само во младинските конкуренции го искуси тоа ниво на игра, денес, тој е многу инволвиран, и во таа насока Мурињо му помогна многу“ додаде Капело во пресрет на дуелот помеѓу Јувентус, поранешниот клуб на Французинот и токму Манчестер јунајтед во Лигата на шампионите.

Извор: 24FUDBAL.com.mk