Шпанија Агентот на Златан Ибрахимович уште еднаш повтори дека неговиот клиент нема да замине од Барселона ова лето

Ибрахимович се пресели на Камп Ноу минатото лето во мега трансфер вреден околу 66 милиони евра откако Барселона се сложи на Интер да му плати 46 милиони евра плус услугите на Самуел Ето во замена за шведскиот интернационалец.

По добриот старт на кариерата во дресот на Блауграна кон средината на сезоната Ибра имаше расочарувачки перформанси пред се поради повредите а во завршниот дел од сезоната тој често беше дел од клупата за резерви.

Шведскиот интернационалец беше силно критикуван од медиумите во Шпанија а по доаѓањето на Давид Виља на Камп Ноу се погласни станаа шпекулациите дека Ибрахимович ќе биде продаден.

На вчерашната прес-конференција во пресрет на подготовките за новата сезона Пеп Гвардиола изјави дека тој не побарал Ибрахимович да биде продаден и нагласи дека играчот и неговиот агент ќе одлучат за иднината.

На тоа веднаш одговори Мино Раиола кој рече дека напаѓачот сака да ја покаже својата вредност во Барса.

“Тој има договор со Барселона и сака да ја покаже неговата вредност 100%.” – рече Раиола за calcionews24.com.

“Тој е фокусиран и сака да ја започне сезоната во стил со Барселона.”

За шпекулациите кои го поврзуваа Ибрахимович со преслба во Милан, неговиот агент додаде: “Сите нови приказни што се јавуваат и говорат за негово враќње во Серија А се без никаква основа.”

Powered by: 24 FUDBAL.com.mk